← حرفِ نیاز
1
جو دِل سے شاہِ اُمم کا نیاز مند ہوا
وہ خوش نصیب زمانے میں سَر بلند ہوا
2
گو جسمِ پاک ہے اوجھل مِری نگاہوں سے
درِ وصال کہاں چشمِ دِل پہ بند ہوا
3
خُوش نصیب دِل ہے جو یادِ نبیؐ میں ڈوب گیا
وہ سُرخرو ہوا سرشار و نیازمند ہوا
4
تِرے جمال کے انوار کا ہو مطلع
جو دِل کہ تیری محبت میں دردمند ہوا
5
قدِ جمال کو سمجھا جو حق کا آئینہ
وہ بے نِیازِ خیالاتِ چوں و چند ہوا
6
نبیؐ کا دامنِ رحمت وہ بحر ہے ساؔجِد
جو اس میں ڈوب گیا لعلِ ارجمند ہوا