← حرفِ نیاز
نِگاہِ کرم بادشاہِ یگانہ
پناہِ جہاں آپؐ کا آستانہ
مجھے بھی ہے درکار دردِ محبت
مجھے بھی عطا ہو غمِ جاودانہ
تَصوُّرِ نبیؐ کا حیاتِ دِل و جاں
ہے یادِ نبیؐ مستیوں کا خزانہ
میسّر ہو دیوارِ بَطحا کا سایا
مدینے کا اے کاش ہو آب و دانہ
مجھے چاہیے آپؐ کی چشمِ رحمت
مجھے چاہیے آپؐ کا آستانہ
کبھی میری فریاد بھی آپؐ سنئے
کبھی آپؐ سنئے مِرا بھی فسانہ
ہے سُلطانِ رحمت کی خِدمت میں ساجدؔ
گزارش دِل و جان کی عاجزانہ