سُلطانِ کائنات ‘ خُدا کا حبیب ہے

سروِتجلّیات ‘ خُدا کا حبیب ہے

نُورِ نبیؐ کی روشنی ہے عرش و فرش پر

صد رونقِ حَیات ‘ خُدا کا حبیب ہے

پرتو ہے اُن کے حُسن کا رعنائیِ حیات

اِک دفترِ صِفات ‘ خُدا کا حبیب ہے

تقویٰ ہے جِس کی آنکھ میں معیارِ امتیاز

عالی گُہر وہ ذات ‘ خُدا کا حبیب ہے

طوفاں میں جِس کا نام ہُوا نُوحؑ کی پناہ

وہ مایۂ نَجات ‘ خُدا کا حبیب ہے

شیرینیٔ کلام پہ جِس کی جہاں فِدا

وہ معدنِ نبات ‘ خُدا کا حبیب ہے