مجھ کو بھی ہو نصیب زیارت رسُولؐ کی

اللہ کا جمال ہے جلوت رسُولؐ کی

کیسے ادا ہو شُکر خُدائے کریم کا

اِنعام ہے خُدا کا محبت رسُولؐ کی

عرشِ عظیم بھی تۂ پائے رسُولؐ ہے

صلِّ علیٰ یہ شان یہ شوکت رسُولؐ کی

سرکار ہیں جہاں کے لیے رحمتِ تمام

سرمایۂ حیات ہے رحمت رسُولؐ کی

ذاتِ خُدا کی قَسم کہ رہا ہوں میں

لاریب پاکباز ہے عِترت رسُولؐ کی

سرکار ہیں تمام رسولوںؑ کے پیشوا

خیرُالامم جہاں میں ہے اُمت رسُولؐ کی