خاصۂ مُرسلاں محمدؐ ہیں

خسروِ خسرواں محمدؐ ہیں

چشمِۂ زندگی ہے ذاتِ اُن کی

رحمتِ دو جہاں محمدؐ ہیں

روزِ اوّل بھی شمعِ محفل تھے

آج بھی ضوفشاں محمدؐ ہیں

موجِۂ بے خودی ہے اِن کا خیال

مستیِ جاوداں محمدؐ ہیں

کاشفِ سرِّ حق ہے نام اُن کا

خوش بیاں نکتہ داں محمدؐ ہیں

دل کی تسکین جان کا آرام

راحتِ بیکساں محمدؐ ہیں

گنبدِ سبز اُن کا عرشِ مقام

ذاتِ حق کا نشاں محمدؐ ہیں

ہے شرفِ اُن سے آدمیت کو

نازشِ قدسیاں محمدؐ ہیں