سُلطانِ جہاں حضرتِ محبوبِ دو عالَم

کونین پہ ہے رحمت محبوبِ دو عالَم

وہ قلب ہے جلوہ گہِ اَنوارِ حقیقت

جس قلب میں ہے صورتِ محبوبِ دو عالَم

سرخم ہیں سلاطیں کے ذرِ شاہِ رُسُلؐ پر

ہے شوکتِ حق شوکتِ محبوبِ دو عالَم

دریوزہ گرِ لُطف ہیں سِ خاکی و نُوری

اللہ رے یہ عظمتِ محبوبِ دو عالَم

توفیقِ خُدا دے تو سمَجھ نکتۂ توحید

دُشوار نہیں حکمتِ محبوبِ دو عالَم

اندیشۂ ایمان نہ آئے خطرۂ جاں ہے

حاصل ہے جسے نِسبتِ محبوبِ دو عالَم

ہے ذاتِ خُداوند کا مظہر میرا آقا

قبلہ ہے درِ دولتِ محبوبِ دو عالَم