← حرفِ نیاز
1
شاہِؐ کونین کا آستاں مل گیا
منزلِ کِبریا کا نشاں مل گیا
2
مل گئی مصطفؐےٰ کی محبت مجھے
ایک مفلس کو گنجِ گِراں مل گیا
3
اِس عطا پر مِری روح سرشار ہے
تیرا دَر سیّدِؐ اُنس و جاں مل گیا
4
ہادئ دو جہاں کی غلامی ملی
ہم کو رہبر شہرِ مُرسلاں مل گیا
5
یادِ خواجہؐ نے تسکین بخشی مجھے
اب مداوائے قلبِ تپاں مل گیا
6
مجھ کو دونوں جہاں کی خُوشی مل گئی
مجھ کو سرکار کا آستاں مل گیا
7
آج ساؔجد خوشی دِل کی ہے اوج پر
شہرِ محبوبؐ کون و مکاں مل گیا