شافعِ روزِ جَزّا ہیں مصطفؐےٰ

دافعِ رنج و بلا ہیں مصطفؐےٰ

مظہرِ حِلم و حیا ہیں مصطفؐےٰ

مرکزِ جُود و عطا ہیں مصطفؐےٰ

پیکرِ مہر و وفا ہیں مصطفؐےٰ

سَر بسر صِدق و صَفا ہیں مصطفؐےٰ

عرش کی زینت ہیں مالِک خُلد کے

رونقِ ارض و سما ہیں مصطفؐےٰ

ہیں امیرِ اُنس و جاں خاتمِ رُسُلؐ

افتخارِ انبیاؑ ہیں مصطفؐےٰ

بے نَواؤں پر ہے شفقت آپؐ کی

ہے سہاروں کا سہارا مصطفؐےٰ

اب سفینے کو کوئی خطرہ نہیں

بحرِ غم میں ناخدا ہیں مصطفؐےٰ

آپؐ کے رُخ سے عیاں ہے‘ نورِ حق

نورِ ذاتِ کبریا ہیں مصطفؐےٰ