صلِّ علیٰ یہ شان نِرالی حضورؐ کی

جھومر ہے عرشِ پاک کا جالی حضورؐ کی

قُدسی بھی ہیں کھڑے درِ عالی جنابؐ پر

ہے ساری کائنات سوالی حضورؐ کی

ہر اِک حُسن حضورؐ کا حکمت کا شاہکار

ہر ایک بات سلکِ لآلی حضورؐ کی

دیکھے جمالِ اُن کا مِری آنکھ الاماں

کافی ہے مجھ کو شکلِ خیالی حضورؐ کی

چشمِ کرم تھی دُشمنِ جاں پر بھی مِہرباں

اللہ رے یہ شانِ جمالی حضورؐ کی

غالب ہے سب پہ عظمتِ کردار آپؐ کی

اعجاز ہے شگُفتہ مقالی حضورؐ کی

ہر طور بے نظیر‘ بے مِثل ہر ادا

ہر طرز‘ ہر روشن ہے مثالی حضورؐ کی

سارے جہاں سے مرتبہ اُن کا بُلند ہے

بے اشتباہ ذات ہے عالی حضورؐ کی