← حرفِ نیاز
1
وظیفہ مِرا ہے درود و سلام
مِری زِندگی ہے محمدؐ کا نام
2
معطّر ہوائے مدینہ چلے
مِرے نام آئے نبیؐ کا پَیام
3
فضائیں ہیں معمور نغمات سے
بہاراں بہاراں دریچہ و بام
4
محمدؐ ہے لاریب روحِ جہاں
عطا ہے نبیؐ کو حَیاتِ دوام
5
نظر کو میسّر ہیں سرشاریاں
ہیں اہلِ نظر آج بھی شاد کام
6
شہنشاہِ عالَم پہ پیہم درود
امیرِ جہاں پر مُسَلسَل سلام
7
سدا لب پہ ساؔجِد ہو نعتِ نبیؐ
مِری زِندگی ہو اسی میں تمام