انعام ہے خدا کا محبّتِ رسول ﷺ کی

ظاہر جہاں پر ہے فضیلتِ رسول ﷺ کی

سب انبیا کی اُمّتیں وہ بخشوائیں گے

کُل خلق کے لیے ہے شفاعتِ رسول ﷺ کی

اللہ کی عطا ہے یہ فیضانِ مصطفیٰ ﷺ

اللہ کا کرم ہے عنایتِ رسول ﷺ کی

حق کی جناب میں ہے وسیلہ نبی ﷺ کی ذات

ملتی ہیں نعمتیں یہ بدولتِ رسول ﷺ کی

اس کو نہیں ہے خوف، جہنّم کی آگ کا

جس کے نصیب میں ہے زیارتِ رسول ﷺ کی

پوری طفیلِ مصطفیٰ ﷺ دل کی ہو آرزو

پیشِ نظر ہو رات دن صورتِ رسول ﷺ کی