← جانِ جہاں
کوچۂ پاک میں اُن کے مرا بستر ہوتا
ہر گھڑی پیشِ نظر روضۂ انور ہوتا
تذکرہ سیّدِ لولاک ﷺ کا لب پر ہوتا
جان بے چین نہ دل پہلو میں مضطر ہوتا
کرسیِ و لوح و قلم ہوتے نہ دوزخ جنّت
آخری گریۂ خدا کا نہ پیمبر ہوتا
آپ ﷺ کا جلوہ نہ گر ہوتا نہ ہوتی دنیا
کوئی کیخسرو و خاقان نہ قیصر ہوتا
خلد کی آب و ہوا میرا مقدّر ہوتی
آپ ﷺ کے شہر میں گھر کاش میسّر ہوتا
آپ ﷺ اللہ کے محبوب ﷺ ہیں نبیوں کے امام
کیوں نہ چرچا مرے سلطان کا گھر گھر ہوتا
حق کے محبوب ہیں بے مثل پیمبر ﷺ ساجدؔ
کب یہ ممکن ہے کوئی اُن کے برابر ہوتا