← نور و سرور
1
جانِ جاناں‘ امیرِؐ مُرسلؑ ہیں
شاہِ شاہاں‘ امیرِؐ مُرسلؑ ہیں
2
اُن کی توصیف ہے خُدا کی ثَنا
نُورِ یزداں‘ امیرِؐ مُرسلؑ ہیں
3
ہے اساسِ حَیات ‘ نُورِ نبیؐ
صبحِ امکاں‘ امیرِؐ مُرسلؑ ہیں
4
آپؐ ہیں دردِ لادوا کی شِفا
غم کے دَرماں‘ امیرِؐ مُرسلؑ ہیں
5
رحمتِ دو جہاں ہے ذاتِ نبیؐ
لُطفِ رحماں‘ امیرِؐ مُرسلؑ ہیں
6
وہ کتابِ مُبیں میں عکسِ جمیل
جانِ ایماں‘ امیرِؐ مُرسلؑ ہیں
7
کِس قدر خُوش نصیب ہے ساؔجِد
اُس کے سُلطاں‘ امیرِؐ مُرسلؑ ہیں