جب سے رسُولِؐ حق کی نظر مِہربان ہے

مجھ پر جہانِ شمس و قمر مِہربان ہے

ذِکرِ حضورؐ شام و سحر وِرد ہے مِرا

چشمِ حضورؐ شام و سحر مِہربان ہے

اُن کے کرم سے مُشکلیں آسان ہو گئیں

کس درجہ مجھ پر راہگزر مِہربان ہے

ہیں تاجوربھی رشکِ کُناں اُس کے بخت پر

جس پر وہ شاہِ جن و بشر مِہربان ہے

جب سے درودِ پاک ہے وِردِ زُباں مِرے

میری دُعا پہ حُسنِ اثر مِہربان ہے

جب سے خبر ملی ہے مجھے بزمِ نُور کی

مجھ پر ہر ایک اہلِ خبر مِہربان ہے