لا الہٰ إلا اللہ

سُنی جو دِل نے صدا لا الہٰ اِلّا اللہ

چلی خُوشی کی ہَوا لا الہٰ اِلّا اللہ

ہر ایک ذرّے نے توحید کی گواہی دی

جہان گُونج اُٹھا لا الہٰ إلا اللہ

خُدا سے دُور، بہت دُور اس کے بندے تھے

پَیامِ وَصل مِلا لا الہٰ اِلّا اللہ

چَمن چَمن میں ہَوائے بہار لہرائی

گُلِ مُراد کھِلا لا الہٰ اِلّا اللہ

صنم پرستی کی باطِل روش نے دَم توڑا

نبیؐ نے جُوں ہی کہا لا الہٰ اِلّا اللہ

سیہ دِلوں میں ہدایت کی روشنی آئی

عرب سے آئی نَوا لا الہٰ اِلّا اللہ