← نور و سرور
1
محمدؐ عربی تیرا نُور یا اللہ!
وہ تیرے حُسنِ اَزَل کا ظہور یا اللہ!
2
تِرا نبیؐ ہے متین و غیور یا اللہ!
رسُولؐ تیرا جمیل و جسور یا اللہ!
3
حسین چہرہ نبیؐ کا ہے روشنی تیری
تجلّیوں کا محل، صدور یا اللہ!
4
تِرا نبیؐ ہے مجسّمِ کمال و حُسن و جمال
تمام راحَت و کیف و سرُور یا اللہ!
5
تِرے حبیبؐ کا جلوہ مِری نظر میں رہے
نہ چاہیے مجھے حُور و قصور یا اللہ!
6
تِرا رسُولؐ سراپائے مُشک و عنبر ہے
زِ فَرق تا بقدم سَروِ نُور یا اللہ!
7
نبیؐ کے نام پہ ساؔجِد کے سب قصور معاف
ہے تیری ذاتِ رحیم و غفور یا اللہ!