← نور و سرور
1
جمالِ حَسینؓ وحَسنؓ یاد آیا
مجھے جلوۂ ذوالمنن یاد آیا
2
چِھڑا جب بھی محفِل میں ذِکرِ بہاراں
مدینے کا حُسنِ چَمن یاد آیا
3
محبت کی مجھ کو کشش یاد آئی
خُدایا! اویسِؓ قَرن یاد آیا
4
حبیبِؐ خُدا کی وہ چشمِ عِنایَت
وہ فیضِ زمن در زمن یاد آیا
5
زمانے کی اُفتاد نے جب بھی گھیرا
وہ دستِ نَوازِش معاً یاد آیا
6
وہ پھیلا ہُوا دُور تک مُشک و عنبر
نبیؐ کا معطّر بدن یاد آیا
7
وہ شفقت مِرے حال پر اُن کی ساؔجِد
عِلاجِ غمِ دِل شکن یاد آیا