← نور و سرور
شاہِ کونین کا آستاں مل گیا
وہ ملے تو خُدائے جہاں مل گیا
اب میسّر ہے سامانِ تَسکین کا
رحمتِ ذاتِ کا سائباں مل گیا
مل گئی محبتِ مصطفیٰؐ مجھے
اِک مفلس کو گنجِ گَراں مل گیا
ہو گیا دُور اندیشۂ راہزن
ہم کو رَہبَر شہِ مرسلاں مل گیا
اُن کی چشمِ کرم مِہرباں ہو گئی
اب مدواے قلبِ تپاں مل گیا
لب پہ نامِ نبیؐ ہے بتوفیقِ حق
دِل کو راحَتِ بلیِ حرزِ جاں مل گیا
اب تو ساجد بہت بڑھ گئیں رونقیں
اب مجھے اِک دِلِ نغمہ خواں مل گیا