گُلشن گُلشن زمزمے اُن کے‘ صَحرا صَحرا اُن کی بات

محفِلِ محفِل اُن کی کہانی‘ دِل کی زُباں پر اُن کی بات

اُن کی جبیں کے جلووں سے روشن ہے چراغِ بزمِ حیات

سُورج کی کرنوں کی زُباں پراُن کا چرچا اُن کی بات

پھُوٹتی ہیں رنگین بہاریں اُن کی شِگُفتہ یادوں سے

مَہکی مَہکی اُن کی حِکایت صہباصہبا اُن کی بات

اُن کی رحمت کے سائے میں عالَم سارے پلتے ہیں

اُن کا اِشارہ خضرؑ سراپا ‘ ہے دمِ عیسیٰ اُن کی بات

اُن کے تصدق مُشکلیں حل ہوتی ہیں سنورتے ہیں سب کام

حشر کے روز بھی بن جاۓ گی اپنا سہارا اُن کی بات

اُن کے ذہن سے بول رہا ہے خالِق سارے عالَم کا

دین مکمل فعل ہے اُن کا سب سے بالا اُن کی بات