نبیؐ کی یاد میں دیوانہ وار پھرتا ہوں

میں تالہ گیرِ گُبے نغمہ بار پھرتا ہوں

وہاں وہاں تیرے محبوبؐ ہی کے جَلوے ہیں

جہاں جہاں میرے پروَردِگار! پھرتا ہوں

اُنہی کے قدموں میں مرگ آئے ‘ آرزو ہے مِری

اُنہی کے شوق میں اُن کے نثار پھرتا ہوں

حبیبِ حق کی محبت نے وہ سرُور دیا

مِثالِ موجۂ فصلِ بہار پھرتا ہوں

میں مُنتَظر ہوں شب و روز اُن کی رحمت کا

اُنہی کے لُطف کا اُمّیدوار پھرتا ہوں

بحالِ زار گہے دشت ہے مِرا مسکن

گہے خُوشی میں لبِ جویٔبار؟ پھرتا ہوں