← نور و سرور
نبیؐ کا مجھے آستاں چاہیے
سکونِ دل، آرامِ جاں چاہیے
مرے شوق کا ترجماں چاہیے
مجھے اِک دلِ نغمہ خواں چاہیے
مجھے بھی ہے آرزوِ معراج
مجھے اُن کا پاک آستاں چاہیے
اُنہی کی نوازش ہمیشہ رہے
اُنہی کا کرمِ جاوداں چاہیے
کوئی اور رُودادِ بھاتی نہیں
شہِ حُسن کی داستاں چاہیے
سبِ مصطفیٰؐ میری پہچان ہو
نہ کچھ اور مجھ کو نشاں چاہیے
ہو کِس منہ سے ساجد ثنائے نبیؐ
ثنائے نبیؐ کو زباں چاہیے