نگاہِ لطف نے گلشن کھلا دیے کیا کیا

چراغِ نُورِ یقیں کے جلا دیے کیا کیا

اویسؓ و یُوذرؓ و سلمانؓ و مہرِ علیؒ

مرے کریم نے سلطاں بنا دیے کیا کیا

نبیؐ نے کھول دیا بابِ علم و عرفاں کا

خزینۂ رحمتِ حق کے لُٹا دیے کیا کیا

حقیقتوں کی اِنکشاف کیا

دقیق نکتے دلوں کو سُجھا دیے کیا کیا

مطالبِ دلِ باطن بیاں خُوب کیے

معانیِ رُخِ ظاہر بتا دیے کیا کیا

بتایا رازِ اَحدَ کا جہاں کو احمدؐ نے

دل و دماغ کے اصنام ڈھا دیے کیا کیا