نویدِ رحمت پروَردِگار آئے گی

کبھی تو صبحِ شبِ انتظار آئے گی

کِھلیں گے غنچے مرادوں کے پھول مہکیں گے

ہَوائے مدینے کی جب عطر بار آئے گی

رُخِ نبیؐ کی اگر تیرے دِل میں یاد نہیں

گھڑی جو آئے گی پھر سوگوار آئے گی

مریضِ دردِ محبت ہوں لے چلو بَطحا

ہَوا وہیں کی مجھے سازگار آئے گی

بہت کریم ہے اُن کی نظر بہت کریم

تِرے سُکوں کو دِلِ بے قرار آئے گی

مجھے یقین ہے یُونہی رہی جو یاد اُن کی

دِلِ فسردہ پہ تیرے بہار آئے گی