دیتا ہے بزمِ حق کا پتا درِ رسُولؐ کا

نُورِ احَد ہے جو ہرِ پَیکر رسُولؐ کا

دِل کُھل گئے خُوشی سے سُنی جب نَوائے حق

پہنچا پَیامِ سرمدی گھر گھر رسُولؐ کا

یہ خاکدان ‘ نُور سے معمور ہو گیا

اِحسان ہے جہانِ بشر پر رسُولؐ کا

کِس کو ہے تاب برملا دیکھے رُخِ نبیؐ

جلوہ خُدا کا ہے رُخِ اَنور رسُولؐ کا

یہ کم نظر روئیں گے اپنی نِگاہ کو

دِیدار ہو گا جب سرِ مَحشَر رسُولؐ کا

رنج و الَم سے اِس کا کوئی واسطہ نہیں

ہونٹوں پہ جِس کے ذِکر ہے اکثر رسُولؐ کا