بطحا کی فضا اور ہے رنگ اور سماں اور

یہ شہرِ حسیں چھوڑ کے ہم جائیں کہاں اور

اِس نامِ مبارک کا کریں ذکر شب و روز

درکار ہے اِس ذکر کو لب اور زباں اور

جب فیضِ نظر دیتے ہیں جِگر بھی

ہوتی ہے دل و جاں کو عطا تاب و تواں اور

تم پہلی نظر میں ہو آئینۂ حیرت

اِس چہرے سے ہوں گے ابھی انوار عیاں اور

پرواز کو پہلے کے پر و بال ہیں بے کار

اب چاہیے جذب اور تمنا بھی جواں اور

ہیں خاکنشیں تاجِ شہی قدموں میں اُن کے

پیغمبرِ حق کے ہے غلاموں کا نشاں اور