تم مِری زندگی ہو‘ مِری جاں ہو

تم مِرا دین ہوـ‘ تم ہی ایماں ہو

دِل میں فقط آپ کی رہتی ہے یاد

کوئی ارماں نہ دِل میں پنہاں ہو

خُسروِ دیں ہوـ‘ بے شک تم

تمہی لاریب شاہِ شاہاں ہو

مستیاں روح میں اُتر آئیں ہیں

ہر گھڑی تازہ شوقِ عِرفاں ہو

دِل میں سیلاب ہو تمنّا کا

شوق کا میری جاں میں طوفاں ہو

فصلِ گُل کی طرح رہوں تازہ

پُر بہاروں سے میرا داماں ہو

ہو مِرے حال پر وہ لُطف و کرم

جو تِرے لُطف کے شایاں ہو

حق نے بخشا ہے اختیار تمہیں

تُم شہِؐ بحر و بَر ہو ‘ سُلطاں ہو