دِل وقفِ تمنائے رسولِؐ عربی ہے

فردوس تہِ پائے رسولِؐ عربی ہے

گُم میری نظر جلوۂ رُخسارِ نبیؐ ہیں

دِل زمزمہ پیرائے رسولِ عربی ہے

ہے انجمنِ قُدس میں جس حُسن کا چرچا

وہ پیکرِ زیبائے رسولِؐ عربی ہے

ذرّے کو پیمانہ رنگین بنا دے

وہ مستیِ صہبائے رسولِؐ عربی ہے

ہر قطرے میں موجود ہے قُلزُم کا تموّج

اے شوق! یہ دریائے رسولِؐ عربی ہے

یہ بزم یونہی جلوؤں سے معمور رہے گی

حق انجمن آرائے رسولِؐ عربی ہے

رہوارِ محبت! ذرا آہستہ قدم رکھ

ہاں دیکھ! یہ صحرائے رسولِؐ عربی ہے

آفاق کا گوشہ کوئی اوجھل نہیں جس سے

وہ دیدۂ بینائے رسولِؐ عربی ہے