اِک نِگاہِ کرم

خواجۂؐ محترم

تاجدارِ عرب

بادشاہِ عجم

خسروِ انبیاؑ

تُو امیرِ اُمم

تُو تجلّیِ حق

تُو چِراغِ حرم

خُلد آباد ہے

تیرا نقشِ قدم

ہے مُحیطِ جہاں

تیرا ابرِ کرم

تابشِ رُخ تِری

ہے اِرم در اِرم

ہیں تِرے سامنے

گردنیں سب کی خم

شُکرِ اِیزَد کہ ہیں

تیری اُمت میں ہم

تُجھ سے تازہ ہے جاں

تُجھ سے تازہ ہے دم

ہر گھڑی نعت ہے

ہے عطا دمبدم

تُجھ سے مانگے تجھے

ہے مِری چشمِ نم

بخش سوزِ دروں

ہو عطا کیف و کم