مستیوں سے ہو بھرا جام سرِ شامِ نبیؐ

ہو مِرے لب پہ تِرا نام سرِ شامِ نبیؐ

یاد آیا ہے تِرا رُخ کہ جو ہے جلوہ فِشاں

دیکھا سُورج کا جو انجام سرِ شامِ نبیؐ

روشنی سارے زمانے کی مِرے گھر آجائے

تو جو آجائے لب بام سرِ شامِ نبیؐ

کتنی پُر نُور تھیں آنکھیں وہ میٹر تھیں جنہیں

تیری زلفوں کی شنک شام سرِ شامِ نبیؐ

جَلوے کیا رنگ شفق کے تیرے ہوتے ہوں گے

کیا ہی تھا روئے سحر فام سرِ شامِ نبیؐ

مستیاں تیری سحر کی بھی عجب ہی ہوں گی

یوں جو ہے کیف کا ہنگام سرِ شامِ نبیؐ

رات ساری میں کروں رقص خُوشی کی دھن پر

آئے بلبل سے جو پیغام سرِ شامِ نبیؐ