← حرفِ نیاز
مست و سَرشار ہے جہاں خواجہؐ!
لُطف تیرا ہے بے کراں خواجہؐ!
تُو نے ذرّے کو رشکِ ظہور کیا
تُو ہے کس درجہ مِہرباں خواجہؐ!
تیرا ہر اِک غلام ماہِ منیر
ہے زمیں تیری آسماں خواجہؐ!
ذِکر تیرا بہت ہی دِلکش ہے
ہے عجب تیری داستاں خواجہؐ!
تُو ہے ذاتِ خُدا کا آئینہ
سب جہانوں کی تو ہے جاں خواجہؐ!
یہ جہاں اِک کتاب تیرے لئے
تُجھ پہ ہر بات ہے عَیاں خواجہؐ!
بخش ساجدؔ کو نظرِ عِرفاں
ہو عطا لُطفِ جاودداں خواجہؐ!