← حرفِ نیاز
بنامِ حُسنِ نبیؐ ساز اُٹھا محبت کا
نشے میں ڈوبا ہوا گیت گا محبت کا
حدیثِ شوق بیاں کر کہ جاں ہے افسردہ
سمجھا ہے دل کوئی قصہ سُنا محبت کا
نبیؐ کی یاد مسلسل مسرتوں کا پیام
خوشی کا تذکرہ ہے ماجرا محبت کا
ہر اِک زباں پہ ہو داستانِ محبت کی
جہاں میں چرچا ہو میرے خدا محبت کا
بلشیقیں شوق ہیں سرشار میرے شام و سحر ⚠️
عجیب کیف ہے صلِّ علیٰ محبت کا
تصورِ رُخِ محبوب ہے شعاعِ وصال
چراغِ محفلِ دل میں جلا محبت کا
عزیز تر ہے زمانے کی عیش و راحت سے
مجھے جو درد ہے بخشا ہوا محبت کا
ہر ایک شاخِ خزاں دیدہ رقص فرمائے
لگا کے نعرہ وہ طوفاں اُٹھا محبت کا
سہارا آپؐ کا درکار ہے مرے آقا!
کٹھن ہے راستہ جانِ وفا! محبت کا
نبیؐ کی نعت میں ساجدؔ مگن ہے شام و سحر
ہے خوش نصیب بہت دل جلا محبت کا