← حرفِ نیاز
نِگاہِ شہؐ عمرِ سلاں چاہیے
نبیؐ کا مجھے آستاں چاہیے
نہ غِلماں نہ حُور جناں چاہیے
مجھے کوچۂ جانِ جاں چاہیے
حدیثِ جنوں کا بیاں چاہیے
وہ رمز آشنا تَرجُماں چاہیے
ہر اِک لحظ شوقِ جواں چاہیے
مجھے ہر گھڑی رقصِ جاں چاہیے
تمہیں میرے والی ہو دارین میں
نَوازِش یہاں اور وہاں چاہیے
شب و روز لب پر ہے ذِکرِ نبیؐ
شہؐ حُسن کی داستاں چاہیے
ہے دُشوار ساجدؔ ثنائے نبیؐ
ثنائے نبیؐ کو زُباں چاہیے