نبیؐ کی یاد نے گُلشن کھلا دیئے کیا کیا

چِراغ نُورِ یقیں کے جلا دیئے کیا کیا

اویسؓ و بوذر؟ و سلماں؟ ، جنیدؒ و مہرِ علیؒ

نِگاہِ لُطف نے سُلطاں بنا دیئے کیا کیا

نبیؐ کے دستِ نَوازِش نے بھر دیئے دامَن

خزانے رحمتِ حق کے لُٹا دیئے کیا کیا

سبق دیا ہمیں اَنوار کا اشاروں میں

نُکات کتنے دِلوں کو سمجھا دیئے کیا کیا

عطا ہمیں بھی ہوا دردِ آرزو مندی

ہمارے سوۓ مقدّر جگا دیئے کیا کیا

دکھا کے صورتِ پُر نُور، شاہِؐ بَطحا نے

خَلَش کے نقش، دِلوں سے مِٹا دیئے کیا کیا