نورِ جاں جانِ جہاں ختمِ رسولاں مددے

رونقِ کون و مکاں خسرو شاہاں مددے

بزم در بزم ترے چرچے ہیں محبوبِ خدا

تو ہے افسانۂ کونین کا عنوان مددے

روح افسردہ ہے تاریک دل پُر غم ہے

جلوۂ شمعِ سحر! حُسنِ بہاراں مددے

اک توجہ کی ہے محتاج یہ دنیائے حزیں

اک نظر چاہیے اے خواجۂ ذی شان مددے

تیرے چہرے کے اُجالے ہوں میرے دل میں مکیں

ہو مری آنکھ تری دید سے شاداں مددے

تیری امت پہ عجب وقت ہے شاہا! نظرے

تیری امت ہے بہت زار و پریشاں مددے