اِلٰہی! ہو عطا ہم کو وِلائے شاہِ محبوباں ﷺ

سنیں ہا ہم سنائیں ماجرائے شاہِ محبوباں ﷺ

بیانِ محبوب ﷺ داوَر نے کیا توحید کا مکتب⚠️

جہاں سارے میں گونجی ہے صدائے شاہِ محبوباں ﷺ

خُدا کی جو عِنایَت ہے محمّد ﷺ کی نَوازِش ہے

کرم ہے ربِّ عالَم کا عطائے شاہِ محبوباں ﷺ

نبی ﷺ کے واسطے ہر چیز پیدا کی ہے مولا نے

یہ جو کچھ بھی جہاں میں ہے برائے شاہِ محبوباں ﷺ

زبانوں پر ہماری ذِکر ہو صلّی و سلّم کا

تَصوُّر میں نہ ہو کچھ بھی سِوائے شاہِ محبوباں ﷺ

ہوئے پارس، ہوا، اِکسیر و سلیماں آپ ﷺ سے مل کر

تجلّی سربسر ہے خاکِ پائے شاہِ محبوباں ﷺ