ہونٹوں پہ اِنس و جاں کے صلوٰۃ و سلام ہے

کوئے شہِ شہباں⚠️ میں سدا ازدحام ہے

اُن کی رضا ہے مالکِ آفاق کی رضا

اُن کا کلام، ربِّ جہاں کا کلام ہے

اندوہ و غم سے اُن کو سروکار کچھ نہیں

جن کے لبوں پہ نامِ محمّد ﷺ کا جام ہے

اُن کا ہر اِک سُخن ہوا تفسیرِ وحیِ پاک

اُن کا ہر ایک قول خُدا کا پَیام ہے

آب و ہوا بِہِشت کی اُن کو عطا ہوئی

شہرِ رسُول ﷺ پاک میں جنّ کا قیام ہے

حضرت کی ذاتِ پاک ہے رحمتِ جہاں کی

حضرت سے فیض یافتہ ہر خاص و عام ہے