مِہرباں خالِقِ کُل ہم پہ ہے بے حد ایسا

اور پیدا نہ کیا حق نے محمّد ﷺ ایسا

صف بصف اِنس و ملائک ہیں سلامی کو کھڑے

دیدۂ مہر نے دیکھا نہیں مرقد ایسا

جس پہ قُرباں ہوئے عرش بَریں کے جَلوے

کب جہاں بھر میں ہے عالی کوئی گُنبد ایسا

جو یدِ پاک، یدِ اللہ سے تعبیر ہوا

سارے عالَم میں بگز⚠️ اس کے کہاں ید ایسا

غیرِ اصحاب کسی کو یوں زیارت نہ ہوئی

کس نے دیکھا ہے عَیاں جلوۂ سرمد ایسا

زِندگانی ہو بسر میری نبی ﷺ کے در پر

کھائے چکّر کوئی یہ چرخِ زبرجد ایسا