جب نگاہوں میں شہِ دیں ﷺ کا دیار آتا ہے

غم و آلام کے ماروں کو قرار آتا ہے

سامنے مرے گل آتا ہے کہ خار آتا ہے

دیکھ لوں شے⚠️ کوئی بلبل⚠️ کی تو پیار آتا ہے

سکتے چھا جاتا ہے محفل کی فضا پر جب بھی

ذکرِ قربانیِ اصحابِ کبار آتا ہے

جب بھی دن رات مدینے کے ہمیں یاد آئیں

دل کو وجد آتا ہے آنکھوں میں خمار آتا ہے

دیدہ و دل میں سما جاتی ہے رحمت کی فضا

یاد جب شاہِ رسل والا تبار ﷺ آتا ہے

تیز ہوتی ہیں لویں اور چراغِ دل کی

جب بھی آنکھوں میں مدینے کا غبار آتا ہے