حُسن و جمال رُوئے جہاں آپؐ ہی تو ہیں

نُور و سُرورِ قلبِ تپاں آپؐ ہی تو ہیں

آئینۂ جمالِ خُدا، پَیکرِ حَسِیں

حق کی تجلّیوں کا جہاں آپؐ ہی تو ہیں

اسلوبِ دِلنشیں تھا جِن کے بیاں کا

عُقدہ کشائے سرِ نِہاں آپؐ ہی تو ہیں

اہلِ عرب کا عز و شرف، شان و تمکنت

اہلِ عجم کی تاب و تواں آپؐ ہی تو ہیں

خُوشبو، بہار، چاندنی، رَعنائی، روشنی

حُسن و جمالِ بزمِ جہاں آپؐ ہی تو ہیں

دُنیا کہاں سے لائے گی آپؐ کی مثیل

عالَم میں آپؐ سا ہے کہاں آپؐ ہی تو ہیں