پَیکر جب آیا سامنے یزداں کے نُور کا

ہر دِل میں کھِل گیا چَمنِستاں سُرور کا

بُوجہل کی سِرِشت میں تھیں ظُلمتیں نِہاں

ممکِن نہ تھا وہ دیکھتا نظّارہ نُور کا

بہرِ قبولِ عرض وسیلہ اُنھیں کریں

دروازہ وا ہے رحمتِ ربِّ غفور کا

اَنوارِ حق میں دُھل گئی ساری یہ کائنات

وقت آیا جب خُدا کے نبیؐ کے ظہور کا

دامَن مِری مراد کا رحمت نے بھر دیا

جب بھی پڑھا قصیدہ جمالِ حضورؐ کا

اُن کے کمال و حُسن کی باتیں مجھے سنا

قصہ نہ چھیڑ بخت و غِلمان و حور کا