غلامیٔ شاہؐ دوراں ‘ خُدا نصیب کرے

رہِ امیرِؐ رسولاںؑ خُدا نصیب کرے

فیوض ‘ علمِ لّدن کے اِسی مضمر ہیں

رسُولِؐ پاک کا عِرفاں ‘ خُدا نصیب کرے

میں اُن کے شہر کے ہر راستے کو چوموں گا

مجھے بھی سیرِ گُلستاں ‘ خُدا نصیب کرے

ترس گئی ہیں نگاہیں رُخِ مُنوّر کو

غمِ شدید کا دَرماں ‘ خُدا نصیب کرے

جَنابِ حق سے عطا ہو تو ہمیں بھی سوزِ بلالؑ

گُدازِ بوذرؓ و سلماںؓ خُدا نصیب کرے

نبیؐ کی آلؑ رہے مجھ پہ مِہرباں ہر دم

محبتِ شاہِؓ جیلاں ‘ خُدا نصیب کرے