نُورِ جاں ‘ جانِ جہاں ‘ ختمِ رسولاں مددے

رونقِ کون و مَکاں خُسرو شاہاں مددے

آپؐ محبوبِ خُدا ‘ آپؐ کے چرچے ہر جا

آپؐ افسانۂ کونین کا عنواں مددے

رُوح تاریک ہے آلام سے دِل گریاں ہے

جلوۂ شمعِ حسنِ بہاراں مددے

اِک تَوَجُّہ کی ہے مُحتاج یہ دنیائے حَزیں

اِک نظر چاہیے اے خواجہؐ ذی شاں مددے

آپؐ کے رُخ کے اُجالے ہوں مِرے دِل میں مکیں

آپؐ کی دید سے ہو چشم یہ شاداں مددے

سخت ہیں آپؐ کی اُمت پہ یہ ایاّم بہت

ہیں غُلام آپ کے بے حال و پریشاں مددے