← نور و سرور
1
مصطفٰیؐ مرصّع ادا ‘ اللہ اللہ
وہ پَیکرِ نُورِ الہدیٰ ‘ اللہ اللہ
2
بشانِ اَتَم جلوہ گر ختمِؐ مُرسلؑ
کہاں اُن کا ثانی ہُوا ‘ اللہ اللہ
3
تجلّیِٔ اوّل وہ تنویرِ آخر
وہی ابتدا ‘ انتہا ‘ اللہ اللہ
4
پئے امنِ عالَم وہ تشریف لائے
سکھایا سبقِ خیر کا ‘ اللہ اللہ
5
وہ اعجازِ قدرت ‘ وہ حُسنِ حقیقت
وہ تخلیق کا مُدّعا ‘ اللہ اللہ
6
وہ آنکھیں مُبارَک ہیں ‘ دیکھا جنہوں نے
عَیاں جلوۂ کِبریا ‘ اللہ اللہ
7
دمِ واپسیں میرے لب پر ہو ساؔجِد
ثنائے محترم کی ‘ اللہ اللہ