← اُن کی یاد اُن کا خیال
سرُورِ دِل و جاں بہارِ مدینہ
فروغِ نظر جلوہ زارِ مدینہ
ہیں سَرشار دِن اور بیدار راتیں
مزے کے ہیں لیل و نہارِ مدینہ
اُتر جائے دِل کی اگر وسعتوں میں
اُترتا نہیں پھر خُمارِ مدینہ
جہاں سارا سیراب و شاداب جس سے
وہ بے مِثل ہے آبشارِ مدینہ
ہر اِک ذرّہ روشن درَخشاں فُرُوزَاں
ہے تاروں بھری رنگزارِ ⚠️ مدینہ
فضائے مدینہ معنبر معنبر
معطّر معطّر دیارِ مدینہ
نبیؐ کے ہو قدموں پہ ساجدؔ مِرا سر
مِری زِندگی ہو نثارِ مدینہ