← حرفِ نیاز
نبیؐ کی یاد نے گلشن کھلا دیئے کیا کیا
چراغِ نورِ یقیں کے جلا دیئے کیا کیا
اویسؓ و بوذرؓ و سلمانؓ جنیدؒ و میرِ علیؒ
نگاہِ لطف نے سلطاں بنا دیئے کیا کیا
نبیؐ کے دستِ نوازش نے بھر دیئے دامن
خزانۂ رحمتِ حق کے لٹا دیئے کیا کیا
سبق دیا ہمیں عرفان کا اشاروں میں
دقیق کتنے دلوں کو سمجھا دیئے کیا کیا
عطا ہمیں بھی ہوا دردِ آرزو مندی
ہمارے خفتہ مقدّر جگا دیئے کیا کیا
دکھا کے صورت پر نور شاہؐ بطحا نے
دوئی کے نقش دلوں سے لٹا دیئے کیا کیا
تمام رات رہے محوِ نعت ہم ساجدؔ
نبیؐ کے شوق میں دریا بہائے کیا کیا