← جانِ جہاں
معراج
مقطع ↓ہم پہ عقدہ کھل گیا معراج کا
جلوۂ حق متّصل حق سے ہوا
بے قیاس و بے تکیف، مرحبا
وصل، مابین خدا و مصطفیٰ ﷺ
جو ہوئی معراج کی شب گفتگو
راز وہ مخفی کہاں اب تک کھلا
سربسر ہے روح وہ جانِ جہاں
اُن سے ہے جلوہ فشاں ربِّ العلا
رحمتِ للعالمین، ذاتِ نبی ﷺ
محسن اُن کا رونقِ ارض و سما
مستفیض اُن سے ہوئے سارے نبی ﷺ
درجہ سب سے آپ ﷺ کا اعلیٰ ہوا
تجھ کو ساجدؔ چشمِ حق میں ہو عطا
دیکھنا اُن کو ہے حق کا دیکھنا