خُدا کی شانِ اَتَم ہے رسُولِ ربِّ کریم

تمام لُطف و کرم ہے رسُولِ ربِّ کریم

اُنبی⚠️ کے دم سے ہے شاداب گُلشنِ ہستی

بہارِ باغِ ارم ہے رسُولِ ربِّ کریم

خوشا وہ رحمتِ یزداں عرب کا وہ سُلطاں

خدیوِ ملکِ عجم ہے رسُولِ ربِّ کریم

خُدا نے دی ہیں کلیدیں اُنہیں خزانوں کی

قسیمِ رنج و نعم ہے رسُولِ ربِّ کریم

ضیائے سیّدِ حبیبِ خُدا کا فیضِ نظر

چِراغِ نُورِ قدم ہے رسُولِ ربِّ کریم

جمال و رحمت و لُطف و عطا مُجسّم ہے

جلال و جاہ و حشم ہے رسُولِ ربِّ کریم