← محرابِ جاں
دو عالَم کا دلبر دِل آرا محمّد
غموں کے مرض کا ہے چارہ محمّد
کہ ہے نُور سارے کا سارا محمّد
مجلّا جہاں زوجِ سُلطانِ عالَم
حسیناں عالَم فِدا آپ پر ہیں
ہے کونین میں سب سے پیارا محمّد
بشر کی ہے صورت میں جلوۂ خُدا کا
ہے محبوبِ عالَم ہمارا محمّد
نظر اُن پہ سارے جہاں کی جمی ہے
ہے قدرت کی آنکھوں کا تارا محمّد
مرقعِ دو عالَم کی سب خوبیوں کا
جمالِ خُدا کا نظارا محمّد
ہے شُکرِ خُدا غم نہیں کوئی ساجدؔ
ہے مشکل میں اپنا سہارا محمّد