دِل ہے تاریک مِرا ‘ روشنی والے خواجہؐ!

بھیجیٔے میری طرف نُور کے ہالے خواجہؐ!

بھر دیئے لُطف نے جتنے بھی تہی تھے دامِن

تشنہ کاموں نے پیئے بھر کے پیالے خواجہؒ!

دیتے خیرات فقیرؐ آپؐ کے ہیں شاہوں کو

ہیں گَدا آپ کے دُنیا سے نِرالے خواجہؐ!

آپؐ کے خوانِ نَوازِش سے طلب گار ہوں میں

دیں اِسی سے مجھے دو چار نوالے خواجہؐ!

کب سے ہے جان مِری بندِ حوادث میں اسیر

کھولیے دِل پہ پڑے آ ہنی تالے خواجہؐ!

بخشوَائیں گے مجھے آپؐ ہی روزِ مَحشَر

آپؐ سنتے ہیں دِلِ زار کے نالے خواجہؐ!