ثانی نبیؐ کا کوئی نہ کوئی مثیل ہے

وہ ربِّ وحدہ ‘ کی حقیقی دلیل ہے

اُن کے کرم سے میرے گزرتے ہیں رات دِن

وہ میرا سرپرست ہے میرا کفیل ہے

اللہ ‘ اُن کے پَیکرِ نُوری کا وہ جمال

پرتو سے جِس کے صورتِ عالَم جمیل ہے

اُن کا کرم ہے بزمِ دِل و جاں کی روشنی

فیضان اُن کا زِندگی کی سلسبیل ہے

خالِق ہی جانتا ہے مَقامِ نبیؐ ہے کیا

مَبہُوت و سَرخِیدہ کھڑا جبرئیلؑ ہے

اِس عمر مُختَصَر میں کیا کوئی رقَم کرے

رُوداد اُن کے حُسن کی بے حد طویل ہے